今次快活谷夜賽（12日），用C欄C加三跑道角逐，報名馬比前增多，有五場出足滿額，形勢則依然緊湊。上次夜賽特利後追馬，不知今次會否有同樣情況。

季初華籍馬房搶攻，取得好成績，今回沈集成馬房布下強陣，丁冠豪則遣精兵，都可優先留意。

第四場四班1200米，「索先生」是特利初出之馬，上季跑三班同程，負於「同進」得亞軍。賀賢熟知馬性，故在七月尾復課，8月7日已跳第一課快工夫，然後由史卓豐接手，拍跳表現甚佳，試大閘按住居中跟跑，紋風未動大把在手。

賀賢雖然手法慢熱，但對待這些須早用之馬，會作出轉變，「歡悅星」剛在泥地出擊得手，就是最佳例子，「索先生」一切準備就緒，排抽好檔位，將會全力出擊。

「超能量」開鑼日（2日）直路賽得亞軍，復課神態更活躍，返快活谷有根據，最重要係潘頓唔放手，岳頭馬不易發揮，是前駒最強對手。

「喝采」已加盟丁廐，馬身養得壯，拍跳有追勢，由蔡明紹一手打理，跑番贏馬路程，負磅輕排檔理想，已具備爭勝條件。「艦長天下」上仗熱門落敗，但都追得唔錯，復課無唔妥，匆匆再戰借得黃俊，減十磅大有幫助。

「正本雄心」大閘省騎肯追，埋門快跳更墜手，排檔理想，四重彩可兼顧。「餘皇」投文廐後身養得壯，排外檔形勢不利，先留意走勢。「赤水神駒」不及上季贏馬時。「帝勝之星」跑法被動，且狀態也平常。