【潮界開眼】咖啡X眼鏡？Puyi請咖啡師駐場

蘋果日報 2018/06/03 05:20

潮流眼鏡咖啡
    咖啡和眼鏡兩樣好似完全冇關係嘅嘢，居然又有人諗得到將佢地放埋一齊，說的是溥儀眼鏡近日舉行了Puyi Brew Exhibition，打着「貫徹嚴選頂級咖啡豆的精神，用心挑選各品牌獨特主打眼鏡款式。」的旗號，把兩件事來個crossover。
    除了店內放滿咖啡豆、咖啡杯、濾杯等裝飾，令你彷如置身咖啡店外，更真係有靚啡飲！原來今次展覽Puyi特別找來世界級咖啡大師陳冠豪(Dawn)及Amber Coffee Brewery合作，在你揀眼鏡的同時，更有靚咖啡飲！不過要留意，Dawn只會在中環中建大廈1號舖駐場到6月2日，之後就會有Amber Coffee Brewery咖啡師接力至6月9日，而6月10日至27日都仲有咖啡飲嘅，不過就係咖啡機出品囉。另外，為配合主題，今次Puyi亦特別設計了Puyi Brew禮品套裝，當中包括一隻高杯連杯蓋和木製小托盤，個人覺得杯子外型就一般，反而托盤幾靚，只要在展覽期間買滿$12,000就會送畀你。
    empty
    利用不同咖啡豆配合不同眼鏡展示，頗有新意和心思。
    empty
    Puyi Brew Exhibition：即日至6月27日
    empty
    特別設計的Puyi Brew禮品套裝，當中包括一隻高杯連杯蓋和木製小托盤，個人覺得杯子外型就一般，反而托盤幾靚，只要在展覽期間買滿$12,000就會送畀你。
    empty
    陳冠豪(Dawn)是世界級咖啡大師，贏過不少獎項，有機會一定要試試他的手勢。
    empty
    咖啡師只會在即日至6月9日期間在中建大廈店駐場，但其他日子和分店都一樣有咖啡飲，不過就係咖啡機出品囉。
    empty
    除了睇眼鏡，更可和咖啡師交流，多了一份樂趣。
    記者、攝影：韓繼聰