鄭浩南（Mark）娶了個大馬老婆Ailyn後，將發展基地移往馬來西亞，在當地經營酒吧及食肆，有電影拍就返港開工，又或者間中返內地拍廣告，最近他與邵美琪、黃德斌合作拍攝電影《降頭》，有說大馬現在仍有土著巫師懂得落降頭。

阿Mark在大馬時有聽聞降頭之說，他說：「雖然我喺大馬冇巫師朋友，不過我信有降頭呢樣嘢！世界咁大，而且呢個世界好多人都有宗教信仰，有降頭一啲都唔出奇，我拍戲咁多年，好彩未遇過乜神怪嘢！不過有次喺大馬就見過啲解釋唔到嘅事，我見過有隻鬥雞死咗，嗰家人將隻雞攞返入屋，之後隻雞又翻生，而嗰個係巫師家庭。我太太唔信鬼神，不過有次佢喺自己間舖入面，見過隻碗無端端喺到轉，而間舖前身係歌劇院，好多年歷史，有神怪嘢都唔出奇。」

聽聞有種降叫「愛情降」，問阿Mark可曾心動一試此降威力？他說：「我兩公婆感情非常之好，唔使試。」戲中她與邵美琪飾演夫婦，他到泰國時對一女子作出承諾，但因沒履行諾言而被落降頭。阿Mark指戲中男主角與現實的他絕不一樣，他說：「我只會同我太太、阿媽有承諾，我亦唔會欠人嘢！只有人欠我。」
採訪：魯萍
攝影：陳順禎
場地提供：Baci