香港仔中心一大廈二樓一單位，住戶於一年前發現天花板出現的銹迹及開始滲水，多番要求上層單位業主准許承造商入屋追查滲漏源頭，上層單位業主是香港電燈公司，一直藉詞推搪，令問題拖延一年多仍未能解決。

「足足搞咗成年，一直無正面回應，又唔畀我請專人入去佢哋個單位睇，想查出原因都幾難啦！」受天花板滲水問題困擾一年多的任先生稱，十二年前他舉家遷進香港仔中心二樓一單位，一直相安無事，至去年三月開始，一家便為這噩夢困擾。

滴水銹黃色
他說，其上層單位為香港電燈有限公司員工宿舍，住客亦入住多時。去年三月，他發現廁所天花板出現銹迹，範圍更日趨擴大，天花批盪有剝落情況。去年七月天花板更開始滲水、滴水呈現銹黃色。他隨即向管理公司求助，管理公司派員往其住所調查後，亦通知樓上單位住戶從速安排檢查工作。
任先生說，其間，他自行聘請專人到其住所檢查。「個師傅話天花板滲水有好多原因，但以佢經驗嚟睇，都好大可能係樓上單位所致，不過都一定要上埋去樓上單位睇咗、先確定到源頭。」

上層拒查察
他稱，雖然樓上業主代表亦曾聯同管業處人員到他的住所視察，且清楚看到浴室天花板滲水情況，但卻不肯作出具體相應行動。「而𠵱家喺我個單位查唔出滲漏原因，咁我聘請承造商要求到樓上單位睇，我哋只係想查出個源頭；但佢哋一直唔肯，咁我可以點呢？」
一直跟進投訴個案的黃埔物業管理公司，曾發放跟進報告給任先生及其上層住戶，任先生稱，根據報告內容所指，管理公司職員發現其樓上單位浴缸側與地磚夾縫之防水膠出現損耗現象，浴室門側地腳線鬆脫。
任太無奈歎道，雖然報告顯示樓上單位浴缸防水膠出現損耗，惟樓上單位業主一直沒作積極處理，令問題拖延至今仍未能解決，投訴無門、遂向本報求助。