【坐貴啲】Uber在港推出Comfort服務 預先要求靜音、冷氣
收費Uber溫度靜音設定blackComfort
可以在叫車時輸入個人喜好,想靜靜哋去目的地都可以。
你總會試過坐的士時,叫司機熄細聲啲收音機,又想叫佢唔好一路揸車一路講電話,再普遍啲,校大啲冷氣吖?加上而家隨時遇到政見唔同嘅司機,真係想叫佢出少句聲。以後坐Uber呢,就唔使出聲司機都知你諗乜,因為香港終於引入Comfort呢個乘車選擇。
今日(12日)Uber宣佈引入Comfort乘車選項,即係司機會更體貼,而且如果用戶選擇Comfort,Uber亦會安排較新更寬敞的車輛接載。未去到Black咁豪華,但都係車齡新嘅車款。至於司機亦會係互評分制度中獲得4.85分或以上的。而且上車前就可以選擇靜音車廂,司機會將GPS導航調至靜音。
而專為Comfort、Black而設嘅内置功能,就係「乘客偏好設定」,例如車廂「溫度偏好」,可以於用戶上車前已經調節至和暖、熱、涼快或冷,咁如果冬天天氣好凍,你就可以要和暖啦,如果你做完運動熱辣辣,就可以要涼快。亦可以選擇「偏好安靜」呢個設定,咁司機就唔會開任何音樂,亦唔會講多餘對話,想瞓陣或者要講電話都會方便好多,又唔使怕唔好意思。
至於Black方面,可以話係最頂級嘅選擇,司機同樣須獲得4.85分或以上,而且更要駕駛較新更高級的車款。不過收費就比Comfort更高。
-----------------------------
$1000以下隱世秘湯 精緻地道料理一泊二食
《日本溫泉30》遊日必歎! -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 Comfort的車款可能不及Black豪華,但都比一般Uber有要求。