習慣了賽日聽英語直播旁述，已超過了十年光景，賽前及跑完做功課，也慣了將畫面靜音，這純粹是個人習慣。

點解唔開聲睇片？因為習慣了以後，很快就可以認到綵衣。至於睇晨操片段唔聽評述，是當年觀操恩師教落，他出自賽馬世家，一生可能對馬多過對人！

依他說法，自從蔡約翰將一套傾向慢火煎魚的操練引入香港，要從馬匹走得不快去判斷狀態較難，應對辦法是將集中力放在馬匹一對後腳，因為馬匹加速由後軀起動，所以弗馬會有紮實飽滿「靚躉」（臀部）！

點判斷一匹馬夠不夠力？恩師教若從電視觀操客，不妨將電視熄聲，並將視線集中在馬匹後肢翻步動作，觀察着地時有否沉實感覺，聽評述的話，則容易分心。

純屬個人經驗，弗馬的後庒形態以及翻步力量，不難在靜音畫面現形，有興趣的朋友大可試試。

提到蔡約翰，雖然今季表現仍遠遜預期，但二月過後其實續有改善，在餘下日子追蔡廐落後，不失為合理策略。

周日（8日）第三場四班1400米草地，「追風驥足」上次田草千二米已作提供，結果在走位極論盡下，末段以勁勢撲上跑第三，今次加程二百米，再由利敬國換雷神，全屬利好因素。

至於尾場三班1200米草地，「平海掌星」上次贏田草千二米易如反掌，並交出值三班頭馬表現指數，賽後只加七分相當着數，今次升班負輕磅交鋒，依然上風。

--------------
曾犯天條必入「黑名單」？華將洋將結局大不同！想知咩事要睇【馬上看經典】
-------------
馬匹賽績、騎練數據、名家貼士
【最強贏錢武器 盡在蘋果馬網】刨馬撳呢度
------------------
【武漢肺炎】專頁 全民自救 抗疫資訊盡在《蘋果》