王菀之、Monna(林依錡)及衛詩雅等藝人，今日喺荃灣宣傳《金雞sss》，女主角吳君如就未有現身。現場只見Monna露出成幾寸事業線，好深吓喎，點知就出事啦，進行拉花炮儀式時，啱啱有條彩紙飛入Monna乳溝內，Monna處變不驚，隨意地伸手入乳溝抽走彩紙，佢仲話覺得自己打扮超性感喎。

之前電影公司幫《金雞sss》以50萬打造一隻身高18米、比「RubberDuck」更大嘅Rubber雞(巨雞)，仲打算放喺維港5日造勢，可惜最後收到海事處友善勸喻，怕巨雞喺海上爆咗就大件事，不過大家唔使擔心，巨雞好安全喺荃灣愉景新城。