大陸真人騷《爸爸去哪兒》話咁快嚟到第五季，因為今集有港人熟悉嘅陳小春同吳尊參加，所以引起唔少人討論，尤其集中討論小春喺節目中經常「山雞哥」上身，對住阿仔Jasper一次又一次兇神惡煞發脾氣，發完脾氣又講sorry話自己冇發脾氣，循環不息睇見都肉赤。(新聞連結： http://bit.ly/2xnC9Dm )

回顧番《爸爸去哪兒》第一季，林志穎囝囝Kimi，當年仲係BB樣嘅佢，o依家已經8歲大，噚日志穎爸爸就貼咗Kimi瞓喺張床上嘅相，焦點落喺佢對長腿上，就連爸爸都驚訝Kimi大得太快：「經過Kimi房間，想說這是誰啊!」

至於其他曾經演出過《爸》嘅小朋友，包括第一季田亮囡囡森碟、張亮囝囝天天同埋第二季黃磊囡囡多多，冇見一排，原來個個小朋友已經飈高咗好多，個個都擁有令人羡慕嘅長腿，只可以話，父母基因太強。