53歲嘅張耀揚(Roy)已經北上發展一段時間，近年仲有指將發展重心遷移去澳門，同拍拖多年嘅女友孖住一齊做賭業生意，不過話晒0依家啲交通咁方便，加上喺香港又有唔少朋友，所以間唔中都會喺香港見到佢嘅踪影！

日前《蘋果》喺赤柱大街見到阿Roy，嗰陣佢一身運動look邊行邊撳電話，向住北帝古廟嘅方向行，冇耐見到佢會合咗女友，同場仲有一個中年男人、一個上咗年紀嘅女人，當時呢個女人仲推住一架輪椅，上面坐咗個老伯伯添！佢哋行咗去北帝古廟，入廟拜神是常識吧，所以都有睇見佢哋裝香！

裝香嗰陣，阿Roy嘅女友嘅女友都拎住相機，好似小FANS咁追住男友影相，過咗冇耐佢哋兩個仲行咗落去海邊，兩個企喺啲石頭度，阿Roy好肉緊咁攬住女友selfie，附近咁啱有遊客經過，諗住拎個電話出嚟影相，不過阿Roy笑笑口叫佢哋唔好影，似乎好怕醜唔喎，隔咗冇耐佢哋一行五人離開古廟。

雖然之前有傳阿Roy同女友已經結咗婚，不過見到佢哋兩個左手嘅無名指都冇戴住婚戒，睇嚟佢哋暫時都仲係男女朋友關係，唔知係咪有老人家在場，加上又唔想俾其他人影相，所以Roy同女友一直保持距離，之後佢哋又行咗去天后古廟，今次女友冇再追住Roy影相，反而變咗互相幫對方揸機影相，影咗一陣，佢哋又行番落去大街，其間阿Roy同女友去咗麥當勞買糕，當然佢哋係前後腳咁行，最後同女友會合返其他人，阿Roy就自己去拎車兼做柴可夫車晒大家一齊走！