北角英皇道278-288號英皇柏麗大道商場，商戶投訴過去八年，每逢夏季天氣酷熱日子，冷氣系統便損壞，商場內悶熱不堪，生意大受影響，甚至有商舖「三日未發市」。商戶不滿管理公司八年來未妥善處理冷氣系統故障問題，令商戶苦不堪言。

「八年喇！每到大熱天時就冇冷氣，焗到幾乎唞唔到氣，有客都趕走晒啦！真係唔知忍到幾時！」英皇柏麗大道商場商戶，對「一年一度冇冷氣期」，無不怨聲載道。

每年六至八月必壞
英皇柏麗大道商場只有地下一層，有七十多個舖位。商戶稱，八年來慘遭折騰，每逢六月至八月期間，冷氣系統必壞一次，過去每次一至三日不等，生意大受影響。今年情況更壞，商場管業處稱需時約七天才能修復。
「𠵱家生意已經難做，重冇埋冷氣，生意大跌；我三日以來未做成過一單生意！咁點樣捱落去？」

十分鐘已汗流浹背
在商場經營精品店已八年多的何小姐慨歎，管理公司從沒確實交代停供冷氣原因。
記者於本月8日到商場跟進投訴，商場內沒有窗戶，雖已擺放數部大風扇，但商場內仍悶熱不堪，入內不足十分鐘已汗流浹背。商戶稱，他們每隔一小時便走出門口「唞氣」。
「我哋冷氣費同管理費照交；但連基本要求都畀唔到商戶；就連徹底解決方案都交唔出，咁係咪想迫大家退租？」
當日，除「冇冷氣」外，安裝在天花上喉管亦出現漏水，儼如下雨，場內多個商舖水浸，商戶稱引致貨物浸濕，很多需要「報銷」。