雨僑噚晚到金鐘出席新戲《英超有情人》首映，依家佢忙拍《喜愛夜蒲3》，噚日先同林德信（Alex）拍足成日談情戲，雨僑突然話：「我都擔心，因為佢好靚仔。」莫非怕戲假情真？雨僑又話唔會喎，稍後佢哋要去韓國拍一場情慾戲，雨僑仲要裸背，搞到佢話會飲酒壯膽，雨僑笑話：「危險戲就話替身啫，呢啲要自己拍，前面唔知點，要令佢唔想望。」不如貼咗Alex緋聞女友松岡李那張相，雨僑聽到就話原本之前有松岡演出，但唔知點解後來改咗劇本冇咗。