當年今日
關於我們

【露暈組合撐同志】AD2參與遊行自爆曾與TB過夜

蘋果日報 2013/11/09 06:00


今日舉行嘅香港同志遊行,黃夏蕙同AD2都有出席,AD2話:「細個嗰陣試過同女仔拍拖。(依家呢?)唔知呀,(有女粉絲追求?)如果真心相愛會公開。」

AD2成員Aliy話:「14、5歲嗰陣試過鍾意TB,仲過埋夜,有同床,但冇搞嘢,帶過佢返屋企,屋企人見係女仔,都冇過問。」

遊行起步儀式上,除有香港及台灣人參與,亦有外國人同內地同志,當中有直人有同志,唔同團體上台支持。現場仲有幾個半裸男士穿上熱褲,高舉旗幟反旗視。先由黃耀明、吳彤、梁梓禧(前名梁奕倫)、犀利妹及平機會主席周一嶽主持開步禮。至於組合CALLSTAR金鐘天馬公園先到。

已出櫃嘅吳彤受訪時表示:「細個嗰陣,喺加拿大當地有大遊行,當時參加咗兩個鐘,屋企人唔知,我要避開現場鏡頭,驚屋企人睇電視會知。」問佢依家出咗櫃之後,係咪覺得舒服咗?佢話:「有壓力,家人慢慢接受我,至於另一半,依家未有,喺屋企人嚟講,對方係好人就得。」