喺英國威風八面嘅學民思潮召集人黃之鋒越戰越勇，除咗提醒英國首相卡梅倫，國家主席習近平信唔過，仲批評英國冇睇住香港民主人權狀況。喺呢塊被轟只識賺人民幣嘅土地上，對中英阿頭都無面畀。
之鋒噚日去到名校倫敦大學亞非學院分享時，有現場觀眾挑機，佢話：「中國沒有把任何一個參與八九民運的學生關進監獄」。

「為何國家形象那麼脆弱」

估唔到平日出現喺北京嘅謊言，竟然會喺大不列顛響起。之鋒喺facebook話：「面對這個『語不驚人死不休』的聽眾，我的回應是：『Please browse to google and search "Wang Dan"』（請去Google網站搜尋王丹二字）」真係講多無謂，Google search最實際。
之鋒秒殺呢位觀眾，逾2,000人喺之鋒專頁like爆。連王丹都喺fb專頁大讚：「黃之鋒反應快。」
好多人問，點解之鋒今次會喺習總訪英其間出現呢？之鋒解釋絕非睇準習總訪英，其實佢7月已決定去，習總9月先話要訪英，個人覺得同習近平一齊喺英國冇乜大不了，「因為『有無激親中共』或『中共仲有無面』都不是我的考慮因素……如果土共說我破壞國家形象，那我會問為何國家形象那麼脆弱。」

李八方
mailto:[email protected]