黎智英還柙｜《蘋果》老總探望 黎生訓勉：要有骨氣 撐落去做落去
黎智英荔枝角收押所
壹傳媒創辦人黎智英被指違反工業邨用地租賃條款，本月3日被控欺詐解上法庭，還柙候訊；在等候申請保釋之際，復遭警方國安處引用港版國安法，起訴他另一條
勾結外國或境外勢力危害國家安全罪的罪名，被解往西九龍裁判法院提堂，結果遭國安法指定法官、裁判官蘇惠德下令要還柙至明年4月16日再訊。今日是黎智英被關進荔枝角收押所第14日，《蘋果日報》總編輯羅偉光及《蘋果日報》英文版執行總編輯盧峯到荔枝角收押所探望，黎智英再次感謝各界支持，並勉勵《蘋果》撐落去、做落去。
早上約9時半，羅偉光及盧峯到來，經過排隊、等候再見面，於早上10時45分左右離開。羅偉光代黎智英向各界再次表達感謝，感謝廣大市民和讀者的關心。他指黎生精神很好，逐漸適應，平日主要是閱讀，「佢話有個感覺，覺得自己有個修行，希望多啲知識。」
羅引述黎生勉勵員工：「唔使擔心、唔使驚，繼續做落去。」黎認為現在是適當時候，「佢自己、我哋公司、我哋同事，回饋返社會，佢成日覺得香港畀咗好多嘢佢，我哋依家係個時候做香港backbone（骨幹）...有骨氣，叫我哋撐落去做落去」。
羅偉光又批評政府對黎智英加控國安法是以言入罪，剝奪言論自由及新聞自由，「幾乎係莫須有嘅罪名，好明顯係政府唔想佢再講嘢。」羅希望黎下星期能夠成功保釋，「佢自己都樂觀嘅」。
-----------------------------
-----------------------------
-----------------------------