當年今日
關於我們

【撐學生】留學生返港上前線 後腦中彈無麻醉縫5針

蘋果日報 2019/09/10 00:05

英國學生

回港度假變抗爭,撐起過雨傘、撲滅過毒煙,留學英國的阿沖(化名)今年暑假不再廢青。3個月來每次上陣均全身而退,偏偏8.31這晚一時大意,疑遭速龍以橡膠子彈直擊後腦;為避駐院警員搜捕,他接受義務醫生上門治療,更在無麻醉下縫5針為傷口止血。海外的世界天大地大,小伙子卻寧願賭上前途與生命站到最前線,原因簡單而直接:「因為我愛呢一個地方,我真係鍾意香港。」
記者 佘錦洪
「放暑假開開心心食吓飯啊,買吓股票啊,儲吓錢啊咁樣,一個普通廢青嘅生活囉。」於英國留學的阿沖,6月返港放暑假,本以為可以放鬆心情叉叉電,但3個月來,留在街上的時間比留在床上多,長伴左右只有催淚煙與各類子彈,穿梭抗爭頭3排盡自己一分力氣,「佛洛依德(記者按:應為蘇格拉底)講過,你想做個痛苦嘅人類,定係做隻快樂嘅豬吖?我做唔到豬囉。 」
8.31民陣遊行集會遭警方拒絕,但數以萬計市民依然自發上街,當中就包括阿沖。當晚眾人隨大隊退到銅鑼灣軒尼詩道,面對防暴警察與速龍步步進逼,於是就效法烏克蘭革命,聯同幾個戰友以鄰近工地的搭棚長竹紮成簡易投石器,「至少有還擊之力囉,唔係咁樣單方面俾人撳住嚟打。」
不過當他們架起投石器走到前線,方發現一個致命危機——市民後退太匆忙未有設置新路障,無遮無掩的幾人就站在警方防線正前方,「跟住就唔知係咪個目標物(投石器)太大啦,咁樣就聽到嘭一聲囉。」根據記者現場拍到片段,當阿沖將投石器搬到前線時,有兩名速龍警員隨即走上前,以槍枝瞄準投石器方向作水平射擊。
阿沖憶述指當時為方便趕工而將頭盔摘下,到前線時僅包住一條頭巾,見有警員上前已即時後退,但為時已晚,「個頭突然之後沉咗一下囉」,懷疑被橡膠子彈擊中後腦,傷口至少5厘米長,走到急救站時已經全身是血,「可能係頭嗰啲神經唔係咁發達,嗰一下冇感覺,唔係太覺得痛。」他原計劃自行前往某公立醫院求診,卻發現有多名警員駐守主要通道,「接觸唔到個相熟醫生」,無奈下亦只好離開。
「我身邊first aid講,一定要聯針,冇得唔聯。」幾經轉折終聯絡到義務醫生上門到診,「利申冇打麻醉劑啊,呢個好緊要,係痛嘅,但話好痛又唔係真係特別痛嘅」,在無麻醉藥協助下縫5針為傷口止血,情況就猶如電影中的地下革命黨橋段,「因為佢(醫生)知我嘅situation,冇講任何嘢嘅,一入到嚟就直接聯針,成件事就搞掂咗啦咁樣,佢應該都係趕時間做下一單。」
來年升讀大一、一年學費逾十多萬元的他,本可以如其他留英的同學一樣,無視香港亂局,照舊歐遊買名牌,「個人身處喺外國,你更加會關心香港嘅事情,你(政府)起高鐵、起三跑、起港珠澳大橋、之後再起人工島,我真係見唔到任何嘢係為咗香港人民去做囉。」不過站在前線參與衝擊,是變相押上自己的前途與生命,「前面槍林彈雨,驚就一定驚嘅,但係你心入面有啲嘢堅持嘅時候,你就會繼續stay喺度。可能我會total loss晒所有嘢,原因好簡單,因為我愛呢一個地方,我真係鍾意香港,我想有啲嘢做到去protect呢個屋企。」
暑假快將過去,阿沖亦是時候回去繼續學業,指現時傷口康復進度理想,「應該會出埋最後一場,之後我就飛啦」,但即使人在外地都會以不同的方法聲援,「會試吓轉做文宣,但唔知做唔做得嚟。」對運動的未來,他坦言無法預測,不過承諾無論如何都會再次回到香港這個家,「最後攬炒都冇辦法,大不了咪大家一手一腳,再重建返香港出嚟。」
-----------------------------
9.13香港之路暨齊慶中秋夜
日期:2019年9月13日
時間:晚上7時半集合;晚上8時起牽手築人鏈
地點:各區公園、遊樂設施
參加者可叫「五大訴求 缺一不可」、「光復香港 時代革命」、「我要真普選」、「平反721、831」等口號,向國際社會展示港人打不死的精神。
-----------------------------
9.15民陣遊行
日期:2019年9月15日
時間:下午3時起步
起點:銅鑼灣東角道
終點:遮打道行人專用區
-----------------------------
【撐學生】
召集有心人 撐學生全年睇《蘋果》
立即按此
empty
《蘋果》製圖。原圖易仰民攝
empty
英國留學的阿沖6月回港度暑假,最終3個月來一直身處抗爭前線。易仰民攝
empty
8.31當日阿沖製作簡易投石器運上前線,一時大意脫下頭盔,最終被警方瞄準開槍,懷疑遭橡膠子彈射中後腦。易仰民攝
empty
義務急救員安排義務醫生上門為阿沖治療,在無麻醉下縫5針。易仰民攝
empty
8.31當日阿沖疑被橡膠子彈射中後腦,留下5厘米長傷口。