28歲嘅單文柔(Phoebe）由落選港姐，搖身一變成為「視帝嫂」，做咗陳展鵬太太，每日都幸福滿瀉。結婚一個月就宣佈有喜，BB乳名都改埋，叫做「小豬比」，但一直冇透露懷孕幾多個月。

今日單文柔首次晒肚，喺Ig貼咗一張穿上白色吊帶裙嘅相，清楚見到腹部隆起，估計懷孕約5個月，而旁邊用鮮花襯托，好靚。單文柔留言﹕「你們的假期過得好？ 剛剛過了我最喜歡的節日。今年。。。買了一棵真的聖誕樹，有好香的松樹味，佈置了我們的家，做了兩頓晚餐，在聖誕樹下準備了禮物，看了一場戲。最重要是今年可以和你一起度過。」

單文柔指嘅你，應該都係老公陳展鵬，早前Phoebe透露行街時被人撞到，搞到個肚拉扯咗成個幾鐘，嚇到老公唔畀佢自己出街，難怪日前《蘋果》見到陳展鵬陪老婆一齊shopping，去到邊都跟到實，做咗緊張大師。(相關新聞﹕ https://bit.ly/2CBozOe )

精選娛聞，喺晒《娛果》 http://fb.com/appledailyent