現年39歲嘅韓劇《紳士的品格》女星金荷娜去年3月與細一年嘅企業家男友結婚，婚後未有退出娛樂圈，繼續接拍劇集《通往機場的路》。而婚後逾年半，今日金荷娜透過所屬事務所宣佈懷孕消息，不過僅表示係懷孕初期，未有透露懷孕幾周，而金荷娜及其家人得知喜訊後都相當開心。

金荷娜方面又指BB係金荷娜嘅首個小朋友，所以金荷娜亦好小心，將會停工安胎並集中胎教。而金荷娜早前受邀擔任今年「第22屆釜山國際電影節」嘅開幕主持人，亦因為懷孕退出主持，大會表示將由女團少女時代成員允兒接棒任主持人。