周三(5日)國際騎師錦標賽高手雲集，星光熠熠，一如以往，四場計分場次中有三場為1650米，馬會編排一哩路程較多，一定是考慮過賽事安全、排檔及可觀性問題，否則應可四關都編排不同路程，才考驗到12位頂級高手的騎功。

不過根據以往賽事紀錄，騎師賽經常出現步速偏慢情況，所以熟習跑馬地馬場的騎師在此錦標賽佔到上風。經抽籤配馬後，個人認為莫雅、布文及蘇兆輝機會較好，但仍屬非常均勢的一屆，唔排除一場頭馬再加少少分數足以封王。

第一場五班1650米，「堅離地」上仗一步不蝕無搶口下跑入亞軍，此駒必須潘頓韁繩配合，再查看今季蘇偉賢及潘頓合作成績，八次獲兩冠三位成績，上名率超過五成，今次繼續有內檔之助，決心交代。「有衝勁」上仗直路早段冇位，望空後從內欄殺上得第二名，曾在沙田兩捷的馬轉跑窄場應賺些級數。「葵涌老友」近三仗越跑越近，返回谷草要防。「好運齊來」剛戰落敗後被驗出氣管多血，不足為據，屬今場的邊線選擇。