【冇同屋企人講】喺三層高吊臂拍追逐戲 陳家樂驚驚：怕叉錯腳

蘋果日報 2018/09/15 17:19

洪卓立陳家樂
    陳家樂與洪卓立等人今日喺馬鞍山出席電競比賽記者會，陳家樂自言求學時因經常打機導致成績差，不過已經好耐冇打機，佢話去年生日收到前女友余香凝送遊戲機做生日禮物，先同朋友打online足球比賽遊戲。今日山竹襲港，家樂話已經約好朋友打風時一齊玩。家樂又話早前拍戲要企喺3層樓高嘅吊臂上拍追逐戲，佢指會心驚膽跳：「拍攝時專注唔驚，但一停機周圍望就怯，下面仲要係海，我唔熟水性，怕叉錯腳，拍攝前唔敢同家人講。」
    而洪卓立籌備音樂會做運動，卻不慎觸痛舊患：「早兩日做運動整親，趴喺地下10分鐘醫生話冇得醫，o依家就算我企都痛。」但打風前佢話要趕緊收拾，問到女友湯怡可會幫忙？佢話：「佢都要睇住佢屋企。」
    精選娛聞，喺晒《娛果》
    http://fb.com/appledailyent
    empty
    陳家樂與洪卓立等人今日喺馬鞍山出席電競比賽記者會。
    empty
    洪卓立觸痛舊患，企吓都痛。
    empty
    陳家樂話約咗朋友，打風可以盡情打機。