《有大食大玩咁大》！今個星期挑戰《玩咁大》嘅兩位嘉賓係上圍同雙唇都一樣豐滿嘅吳日言（Yan），同埋成個拳頭都可以塞入口嘅梁梓禧（前名梁奕倫Roland）。話明鬥口大，遊戲當然同口大有關啦！嘩，仲有口水送添呀！

【第1回合】
規則
雙方要幫對方量度個口嘅size，不過今次唔係鬥「闊」係鬥「高」，最後結果認真出乎意料之外，雖然Roland個口闊到可以將自己個拳頭塞入去，但佢個口嘅高度，計埋核心外圍——即係嘴唇都只有6.5cm，而Yan就有7.5cm，贏足佢1cm。
●Yan勝

【第2回合】
規則
呢個回合要測試Yan同Roland嘅吸啜力到底有幾強，佢哋每人要用最短時間飲完5安士奶，飲完後要攞起枱上嘅銀雞吹一吓先當贏0架！比賽開始前，兩個人嚟個先禮後兵，互相碰奶樽，之後就不停啜不停啜，飲到一半兩個人都大叫牙骹軟，Roland為咗同Yan追平手，竟然出茅招將奶樽蓋扭開飲，由於賽前冇規定唔准扭開樽蓋飲，所以第2回合由Roland勝出！
●Roland勝

採訪：鄉奈仁
攝影：林德雄、陳志嵐、葉君海、廖達燊