頭先講到前J女郎曾愷玹本月初生咗個女,仲喺微博貼咗張價值7萬7——新台幣嘅「變形金剛BB床」(新聞連結: http://bit.ly/1g3f2A6 ),威威呀。
至於現任J女郎昆凌都唔弱呀,佢……身材發福,肚凸凸,孕味十足,唔通周杰倫都就快……
前日昆凌陪媽媽慶祝母親節,去咗武元慶食小火鍋,大熱天時著件外套包到實,身材明顯比昔日豐腴。昆凌仲挽住媽媽手臂,步步為營,令人不禁懷疑佢係咪有咗BB。不過昆凌嘅經理人就否認,話係因為感冒藥造成水腫。
另外,前日喺「Mobile01」論壇,有網民貼出車價約2,700多萬港元嘅超跑PAGANIHUAYRA,鷗翼上掀式車門,復古式內裝,盛傳係周杰倫最近買入嘅新玩具,其公司就回應謂:「這部車是他的夢想車款,昨天他是應車商邀請試乘。」