《香港人權與民主法案》通過眾議院後，北京隨即說有反制措施，但該民主派笑言「得啖笑」，「建制、左報講嚟講去得唔畀干涉香港事務嘅美國政治人物嚟香港、將相關美企列入不可靠實體清單、又或者係國際組織投訴返美國人權狀況，但根本對美國冇影響」，反而若法案通過，美國國務院每年要就香港高度自治狀況交報告，「變相香港每年都要面對冇咗獨立關稅區嘅風險，到時北京俾美國揑住喉嚨，點會唔煩？」
另一政界人士指，最令北京擔心的是，即使法案不涉及直接金融制裁香港，但若國務院報告指香港高度自治不再，白宮大可以此作證據，動用其他「武器」制裁中港金融系統。他說早前《紐約時報》一篇報道，指一份由白宮顧問白邦瑞撰寫的行動備忘錄在白宮流傳，當中提及多項對中國制裁措施，包括若香港自治不再，美國政府可採取行動阻截大陸與香港的資本流動，即是對中港「截水」，這勢必對中港金融做成極大打擊。該政界人士指，雖然有關備忘錄未必會實行，「但可以見到美國政府有準備，一旦國務院報告認定香港冇一國兩制，制裁唔止法案寫咁簡單」。
季陶
周一、三、五刊出