噚晚頒獎禮最激烈就係爭「最佳女配角」，最後三強係《一屋老友記》滕麗名、《城寨英雄》王君馨同《幕後玩家》龔嘉欣，阿滕似乎係陪跑，而王君馨同龔嘉欣喺賽前出口術話想攞女配角呢個獎，王君馨連好姊妹香香嘅婚禮都唔去，可見佢恨攞獎嘅決心係百分之九十九。

不過，世事又豈能盡如人意。當花曼王君馨聽到陳豪叫龔嘉欣出來攞獎嗰陣，王君馨個心一實，好快就反應過來，喺鏡頭前仲好有大將之風咁抱抱對手龔嘉欣。

咁點解王君馨個心會實一實呢？據知早前王君馨諗過過檔去好姊妹李亞男老公王祖藍間公司，不過最後王君馨都係決定留喺大台，仲同大台傾好續約，咁樣一留，馨馨梗係覺得自己係可以憑《城寨英雄》花曼一角，勇奪「女配角」，所以賽前佢好型咁話唔會拉票，仲同香香講唔去佢結婚日子，等攞獎咁話……

點知宣佈「女配角」一刻，花曼大熱倒灶，「女配角」變「最喜愛角色」，最後大台換獎承諾兌現，不過「天氣不似預期」，眼淚亦只可以在心裡流。

王君馨接受傳媒訪問，有關約滿大台嘅事，佢話：「我其實前幾年同公司簽咗份長約，所以之前傳我同公司份約就來完係假㗎！」仲話高層覺得佢都可以做好多唔同嘅角色，佢話：「我做演員嘅可塑性好大，嚟緊都可以做好多唔同嘅角色，有提已經係意料之後。」