隔牆有耳：
城壇處男騷擋唔住火花
蘇B俾卿姐鬧儍仔 - 李八方
蘋果日報 2015/09/07 00:00
人稱蘇B嘅《城市論壇》新主持人蘇敬恆噚日初試啼聲，外界聚焦蘇B可唔可以好似前主持謝志峰咁駕馭到城壇嘅火辣場面，點知擋得住維園阿伯，卻擋唔住劉慧卿嘅火花，喺直播期間俾人鬧儍仔。事件引嚟網民熱烈討論，卿姐鬧錯人事後知衰，主動向蘇B公開道歉。
城壇噚日討論民主黨早前與港澳辦馮巍會面，蘇B請卿姐回應民主黨係咪承認中央喺香港嘅憲政地位，卿姐話：「我哋承認、亦明白香港特別行政區係中華民國嘅一部份。」就係呢句，蘇B即時請卿姐澄清，「你頭先應該係講中華人民共和國，唔係中華民國，係咪？」卿姐竟然帶怒氣回應：「中華人民共和國啦，儍仔，我識分嘅！」
面對前輩訓示，被鬧嘅蘇B非常客氣，同卿姐講佢真係可能講錯，所以希望澄清，但卿姐堅持冇錯：「我係講中華人民共和國。」
事後卿姐知道衰咗，完場後幫蘇B除耳機示好：「我同佢道歉，我唔應該話佢。」當面致歉外，卿姐仲喺facebook「Feeling sorry」，自責衝口而出話蘇B係儍仔，稱黨內不乏苦主，如羅健熙、尹兆堅等間中都成為佢口中嘅儍佬、儍豬、儍仔，強調自己冇惡意，話呢個口頭禪真係要改。
城壇噚日討論民主黨早前與港澳辦馮巍會面，蘇B請卿姐回應民主黨係咪承認中央喺香港嘅憲政地位，卿姐話：「我哋承認、亦明白香港特別行政區係中華民國嘅一部份。」就係呢句，蘇B即時請卿姐澄清，「你頭先應該係講中華人民共和國，唔係中華民國，係咪？」卿姐竟然帶怒氣回應：「中華人民共和國啦，儍仔，我識分嘅！」
面對前輩訓示，被鬧嘅蘇B非常客氣，同卿姐講佢真係可能講錯，所以希望澄清，但卿姐堅持冇錯：「我係講中華人民共和國。」
事後卿姐知道衰咗，完場後幫蘇B除耳機示好：「我同佢道歉，我唔應該話佢。」當面致歉外，卿姐仲喺facebook「Feeling sorry」，自責衝口而出話蘇B係儍仔，稱黨內不乏苦主，如羅健熙、尹兆堅等間中都成為佢口中嘅儍佬、儍豬、儍仔，強調自己冇惡意，話呢個口頭禪真係要改。
卿姐喺節目鬧蘇B儍仔，事後佢話係口頭禪要改。李家皓攝
梁家榮睇場 畀110分
八方都聽聞，唔少白鴿仔都俾卿姐話過係儍仔，就連民建聯副主席周浩鼎都話，以前同卿姐吹水，對方間中都咁話佢，笑稱係親切嘅表現。蘇B亦話冇所謂，毋須卿姐道歉：「當時有情緒好正常，我只係想佢澄清番，佢可能只係口快快講，講得太快。」
蘇B處男登場，新任廣播處長梁家榮亦首度一早到場打點，佢喺節目後話會畀對方110分（但冇講滿分係幾多喎），更自嘲話「大家都知我向來畀分都好低」。仍然係《城市論壇》監製嘅謝志峰則大讚蘇B表現好掂，讚佢係太極高手，唔會郁啲就嬲，有網民則覺得蘇B略嫌冇霸氣，壓唔到場喎。
蘇B處男登場，新任廣播處長梁家榮亦首度一早到場打點，佢喺節目後話會畀對方110分（但冇講滿分係幾多喎），更自嘲話「大家都知我向來畀分都好低」。仍然係《城市論壇》監製嘅謝志峰則大讚蘇B表現好掂，讚佢係太極高手，唔會郁啲就嬲，有網民則覺得蘇B略嫌冇霸氣，壓唔到場喎。
新任廣播處長梁家榮噚日都有到維園打點。