鍾景輝（King Sir）、謝君豪、李居明同張之珏今日於中環舉行記招，宣佈下月3日假新光戲院公演的舞台劇《小城風光》將加開多3場至總共13場，記招上李居明批King Sir八字於未來10年在健康及事業會越來越好，更即場送上紅色絲巾及日式漆盒給King Sir，助其運勢。

提到化妝大師陳文輝（輝哥）離世（新聞連結： http://bit.ly/2xhkwk9 ），當年聘請輝哥入TVB嘅King Sir感到可惜，他說：「當時升咗我做節目部經理，叫我搵人，搵化妝師、攝影師，佢當時好後生，做緊電影化妝，我咪說服佢。」King Sir話唔敢認係輝哥伯樂，但讚揚對方好勤力同好負責任，係化妝界一代宗師，問到當年係咪好多阿姐級爭住要輝哥化妝？King Sir話：「係呀，個個都搵佢化。」King Sir指自己當年未做幕前，未試過被輝哥親手化妝。

至於謝君豪今次飾演當年King Sir演過角色，他笑指壓力大如考牌，King Sir派定心丸指君豪有台風，一定能勝任角色。問到去年曾罹患大腸癌的King Sir（新聞連結： http://bit.ly/2gx5brb ）是否明年投入工作？他表示：「o依家仲要覆診，睇健康情況，如果要捱夜就辛苦啲。」佢又承認戲癮好大，見到大家排練時有心癢癢，謝君豪即提議King Sir客串一埸，King Sir即笑言：「唔得，唔夠過癮。」

另外，曾經同輝哥合作過的譚耀文今日也悼念輝哥，他說：「輝哥多數化一哥一姐，我好榮幸有拍劇到佢定妝，佢工作好認真，妝技術當然唔使講，佢離世好可惜，佢畀我印象係好談笑風生，輝哥算係香港藝術界傑出人士，好值得尊重，祝佢一路好走。」