何韻詩曾講過想組新世代政黨，認真考慮從唔從政，不過早前佢喺《蘋果》專欄《詩與胡說》中，決定貢獻社區，由文創路線出發，認為唔從政，唔代表唔可以發聲，發現自己嘅個性同能力始終唔太適用於權力遊戲上(新聞連結： http://bit.ly/1GKnwE8 )。

一向講得出、做得到嘅何韻詩，真係融入社區，已經有一個「2015年度計劃」，就係香港十八區巡遊，由八月開始，兩日前已po咗片上youtube，希望用鍥而不捨嘅精神，重拾香港人嘅人情味!(影片連結： http://bit.ly/1RKmqNU )

何韻詩今日喺instagram留言：「香港地，太多冷漠、太多怨氣、太少和氣，唔係鬧交就係打交，一係就齊齊做低頭族。我地(哋)試試去做一種傻事，就係接車同送車。同三唔識七嘅朋友打招呼，問個好，say個bye，加個油；即使迎面而來嘅往往係冷漠，但我地(哋)知道只要鍥而不捨，香港人嘅人情味始終會被翻出來。邀請你加入，嘗試為香港重新種植情感、種植溫度，為漸漸變得單一嘅地方，翻出12種拜拜，25種微笑，36種溫度，一萬種想像。十八種香港，無限種可能。」

有得bye，你bye唔bye!其實有時有啲笑容，人哋望到都覺得開心啲!