保時捷最近推出首部爬山車系列「Cayenne」，前晚於中環Gaia餐廳舉行「原野動力派對」。「Cayenne」爬山車價值逾七十五萬，將於明年三月抵港，據知城中車迷鄒世龍及雷冠賢已率先訂購。
破產後首份工作
前晚活動由李萬祺任顧問的「Mash&SashConcepts」公關公司負責籌備，亦是李萬祺因欠債七十萬被舊生意夥伴入稟頒令破產後，他任職的公司籌備的首個活動。由於破產人士不能擔任公司主席及股東，這間「Mash&SashConcepts」的數名股東便包括其妻子余安安。
四年後再做好漢
而「Mash&Sash」正是取自李萬祺兩個女兒的英文名字Marcia（李文琪）及Sasha（李文騫）的縮寫。李萬祺前晚接受訪問時說：「我𠵱家係以顧問形式幫公司做嘢，係公司嘅靈魂，而公司名係太太提議改嘅。我兩個女可以話係我精神上嘅支柱、動力嘅來源，我亦好希望佢哋個名可以發揚光大。」
李萬祺續說：「我想再一次感激客戶對我嘅支持，希望四年內可以平反，出年就係我再戰江湖嘅時候，希望公司可以愈做愈好啦。」
早前章小蕙以舊車換新車，問李萬祺可有意用舊車tradein買保時捷新推出的爬山車？他笑說：「我邊有資格呀？不過如果我將來重振雄風，買第一架車就會買呢部，話晒夠大架，一家大細都啱嘛。」