「打你個小人面，等你全家中非典；打你個小人手，等你成世揸藥油；打你個小人腳，等你有鞋冇腳着……」毒如蛇蠍的後母、仗勢欺人的街霸、妒忌成仇的同事、勾人丈夫的狐狸精，小心了，皆因下月6日驚蟄未到，但近日網上已流傳一份「打小人獨白」，令網友驚歎：「嘩！真係好毒。但點解會咒埋屋企人㗎？

「嘩，真係好陰毒喎！」「創舉，由頭到腳鬧勻晒！」「好押韻呀！」網友七嘴八舌，喋喋不休。「我有打小人習慣喎，幾啱使。」其中chukam的說法得到goddess的附和，「學咗佢先，第日去打啲我憎嘅小人，呵呵……」但網友pong就有點擔心地說：「是但中一樣都唔掂。」

全年都可以打

「打小人」是中國傳統風俗，原則上雖然全年都可以進行，但傳統上在驚蟄前後幾天打小人活動特別頻繁，位於灣仔的鵝頸橋是本港的「打小人」勝地，而俗稱「拜神婆」的婦人更會設壇於鵝頸橋底，專責為客人打小人。據說，生意暢旺的時候，拜神婆其門如市，每日收入可達500元。
據一名陳姓拜神婆表示，做神婆並沒有特別資格，不論年紀、男女，只要懂得請神儀式和口訣，手執屐子，用鞋跟對準「小人紙」，一邊高頻率地打，一邊「口噏噏」，念念有詞地詛咒就可以了。

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。

一經採用可獲酬100元
請附姓名、電話及電郵地址，電郵到：[email protected]