立法會內務委員會今日辯論用特權法查湯顯明，估計在建制派反對下，通過機會不大，但必會令追究湯顯明的民意升溫，「建制派越保（湯顯明），民意越反感，要求政府用獨立調查委員會查嘅民意壓力越大」，屆時就算建制派亦會受壓，所以梁振英拋出似是而非的「獨立檢討委員會」，虛應民意，亦可為建制派提供下台階：「市民邊識分獨立檢討委員會同法定獨立調查委員會，亦唔知獨立檢討委員會根本查唔到湯顯明，建制派亦可大條道理反對用特權法查（湯顯明）。」
有政界人士也認為，梁振英提出成立獨立檢討委員會後，日後就可以藉此「封口」，不再回應湯顯明醜聞，「就算（湯顯明）再有新料爆，梁振英都可以用檢討委員會做擋箭牌唔回應，話唔想影響委員會獨立性」。而且要拖到四個月後公佈報告，「到時市民未必再關心，好似佢（梁振英）拖延回應僭建咁，拖拖吓就冇人關心」 。
《蘋果》記者