上年年中，張家輝為雜誌影嘅一輯爆肌相熱爆全城，搞到個個男人爭住練大隻，其中包括洪卓立，上年6月佢地獄式玩健身練大隻一個月，就打沙包打傷隻手，搞到右手瘀晒同腫晒。

經過8個月訓練，洪卓立終於喺新碟封面騷吓成果!但結果只係晒下隻手臂同留鬚扮Man，好似「行」咗啲囉!

呢隻碟搵嚟形象指導AlvinGoh擔任藝術總監，為咗增添男人味，Alvin提議Ken去Gym及留鬚，因為Ken之前太瘦，教練要佢先增磅，先可以練出線條。

增磅其間，Ken每日怒食六餐，再加埋飲大隻佬奶粉，結果成功增磅，肥番唔少，不過同事﹑朋友及歌迷，都以為佢暴肥，係因為身體不適，仲幫佢改花名叫肥Ken添﹗

講到佢只係騷手臂咋喎，點解呢？Ken笑言：「革命尚未成功，仍需努力，暫時局部性感住先，適當時候我會再Show俾大家睇！」另外，Ken新碟首支主打歌《誰》，成為三台冠軍歌，令佢大為雀躍。