【每個月都放血】梁安琪忍手減買手袋慳錢 慨嘆零收入兼白交租
蘋果日報 2020/06/06 18:50
梁安琪武漢肺炎
（攝影：卓寶花）
音樂人梁安琪（Angel）成立Rock Angel Band House 6周年，今日在位於火炭band房舉行小型音樂會慶祝 ，出錢出力邀請好友樂手相聚高歌，同時慶祝他獲得「我最喜愛公益歌手獎」。
Angel指武漢肺炎疫情爆發以來這半年間，完全零收入，要自資5位數字租金頂硬上：「完全冇活動，白交租，但我冇炒夥計，好彩自己都有啲底夠厚，在此宣佈經營好困難，每月放血都未死，希望未來唔使再放咁多啦，我哋又好難申請資助，留畀有需要嘅人。」幸好她有其他投資為生。
面對去年社會運動至今年疫情，演唱會全部煞停，Angel有感band界面臨最大困境，沒人關注：「我買少啲衫慳多啲錢，近月消費少咗，兩個手袋就交到一個月租，回歸簡樸生活，好多樂手好慘冇工開，希望支援本土band界。」今日會和樂手Jerry一同拍攝一輯含教育性紀念片，讓大家看到香港仍有一班好樂手。
採訪、攝影：卓寶花
-----------------------------
梁安琪感band界面臨最大困境是沒有人關注，冀外界關注失業樂手。