鴻福堂（1446），總令人聯想到傳統龜苓膏涼茶舖。「覺得品牌老套嗎？」「應該係嘅……」總經理兼執行董事司徒永富說，但話音未落，他不忘補充，公司通過改進產品包裝、交易行為、銷售渠道等追上時代步伐，認識鴻福堂的年齡層，已由50歲拉低至30歲，「我宜家幾有信心，所有嘅大學生、年青人，如果講起涼茶，都會諗起我」，更預告明年初將在校園地段開設無人商店。

公司過去幾乎對各大院校的產品贊助申請來者不拒，如大學開學日、學會活動、辯論比賽等，「我諗冇一間大學嘅學生唔問我哋攞（產品贊助）」，現時新婚一代都是受過教育的年輕男女，「專業人士呢，你唔好煩佢，嗰啲知識性嘅嘢佢自己會搵到」，公司每月花費不少製作產品宣傳小冊子，「我當年係抄FANCL，唔需要靠人嚟sell佢（年輕顧客）。」

不過，都市人一機在手，近乎所有資訊都經手機獲得，談到在零售科技的投入，司徒永富顯得雀躍。今年鴻福堂引入14部具人工智能技術的自助販賣機，主要分佈於商廈、機場、屋苑等，AI「箱仔舖」24小時運作，放置在分店去不到的地方。因為公司「體質」不佳，難承受高昂租金不斷開舖，「（箱仔舖）解決到租金、人力，但係仍然開到舖。」「機場禁區大樓都有放，深夜時分客人特別多，每部機硬件成本只需5,000至6,000蚊。」公司計劃今年再增設6至7部，明年初更將開設首間無人店，「門店位置唔需要太旺，所以租金唔會太貴，但又可以target到某啲顧客群」，他透露，無人店將設於醫院及學校附近，針對醫護人員、探病人士及學生等客群，預計新年前會開業。

司徒永富對公司的零售科技有著野心勃勃的鴻圖大計，希望有朝一日能研發推出「鴻福堂代幣（dala）」，既可購買公司產品，亦可兌換成現金，他認為，公司早在十年前已推出實名制自家會員卡，至今會員數目逾80萬，有推出自家代幣的「DNA」，不過，目前鴻福堂的手機app使用率約7% (即平均每100宗會員交易，約有7宗是透過鴻福堂app付款)，看來公司要進一步推動app的使用頻率。

記者：邱曉欣
攝影：鄒潔珊

investMAN
For People of Style & Substance
掌握理財智慧 感受生活品味
http://facebook.com/investMAN.hk