當年今日
關於我們

【最嬲冷親阿媽】否認整壞冷氣機 陳展鵬發毒誓:有做過我雙手跛!

蘋果日報 2018/06/12 19:53

發誓煤氣爐陳展鵬冷氣機欠租維景灣畔

今日陳展鵬帶晒證據現身電視城,向傳媒澄清欠租及被指整爛地板事件。本來陳展鵬一直努力抑制怒火,可是一講到陳媽媽,陳展鵬即按捺不住。
「仲有一個令我媽咪都好氣憤嘅……入到去就知咩事啦,所有嘢都有問題,煤氣爐好重要。我千吩咐萬吩咐個煤氣爐好重要,因為我媽咪洗碗嘅時候,天氣凍,年紀大,隻手唔可以凍,要熱水。佢話:『得0架喇,我幫你check好晒,搞掂晒,換過晒啲新0架喇。』係入伙前,(去年)四月份已同佢講,煤氣爐要換過個新,搞下搞下搞到上年年尾先至換!」
「即係已經唔係拖一兩日……係幾個月,真係已經頂唔順,冬天真係太凍,我搵煤氣公司上去。你唔搞,我就自己搞,我俾番張單你,唔掂呀真係!燈嗰啲我可以幫你搞,但煤氣,大件嗰啲,我點幫你搞啫?煤氣公司仔係上過去check過,話要改位,要換,跟住佢話:『都係太貴,唔好喇。』都係我自己搵師傅上嚟。」
「有呢啲事發生嘅時候,你會覺得,仲有咩好傾呢?係咪?啲小問題已經咁多喇。好喇,跟住冷氣機,我都話維景灣畔我住咗咁耐,我會唔會整口釘落個冷氣機然後要你換呀?即係……如果我有做過,我雙手跛!我可以咁講!」