港交所（388）新交易大堂字牆掀起風波，有「金牌莊家」之稱的資深投資者詹培忠表示有留意相關新聞，其中「賊」字特別有感想，「我都話個股市，以前係炒上嘅，炒上係需要本錢…而家股市太多賊啦，太多去炒跌嘅，佢都係從跌之中去賺取利潤。」

詹培忠續指：「全世界最大就係美國佬同猶太鬼，全部都呃人架，係睇幾時咋。」對於「貪」字，詹培忠稱：「你話唔貪唔得，極端嘅資本主義社會呢，講句唔好聽，唔好講到自己咁偉大好無。」

他認為，全世界所謂金融，可謂是不務正業，金融市場是最大賭場，上市公司只是一少部份有本事的人，於市場提取資金，而大部份是散戶支付他們。除了即刻上市之外，其實股市每日有交易只不過係一個零和遊戲。

蘋果財經，關心你飯碗
http://fb.com/appledailyatm