杜汶澤喱騷網太多人「懲罰」冧Server 網民︰香港人會支持香港人點都等你
蘋果日報 2020/12/22 11:59
杜汶澤阿澤喱騷facebookerror
杜汶澤喱騷今日收費，登記人數太多，要同server搏鬥。（fb圖片）
杜汶澤網上節目「喱騷」今日轉為收費訂閱，身在台灣的阿澤一早就在facebook宣佈「全新『喱騷』網站喺全球正式上架」。賣點是年費訂戶，可獨家收看其talk騷「Stand Up Hong Kong」 ，阿澤呼籲fans準時3點鐘，按入網址付費訂閱。由於太多人同時進入，一度令訂閱網冧server，有部份成功付費網民留言，曾未能收看節目。可幸大部份fans的留言都表現理性同支持，未有口出惡言。
付費網一度停運
在開始訂閱不久，當click入網頁時，已出現「Error」字樣，就算去到付費網頁填寫資料，有網民試過連按十次，都未能成功付費。有幸成功繳款的網民，都話「畀咗錢，冇料到」，看不到「喱騷」節目。最慘是有不少留言話「畀咗錢依然話未畀錢+1」。網民認為問題出在細公司「冇做stress test（壓力測試）都好正常」。
不少網民表示確認付費，但未能收看。（fb圖片）
同路人無投訴
阿澤在fb網頁表示「由於太多太多人衝入去，所以，有啲入到，有啲未入到，多謝大家耐心等候」。而在「喱騷」網頁兩小時內，已有1,600多個留言及過萬「like」，未見有人派「嬲」。網民留言都趨向正面，有留言話「即證明香港人會支持香港人。大家畀啲耐性，而家入唔到咪等吓囉」、「太睇唔起香港人嘅衝勁啦～但，我點都等你」、「幾經辛苦reload又reload終於入到數，畀錢多人過派錢塞L到爆，你哋成班友癡L線㗎喎」、「懲罰唔到啊...server 太多人down咗..唯有..等陣再入」。有網民形容這種情況「罕見」，假如出現在政府派錢或者大台選美投票，甚至訂iPhone「個網塞到死咗已經X到拆天啦，同路人應該係咁先啱」。
「喱騷」FB專頁晚上再次就網絡擠塞晒冧，稱網站要進行緊急維修擴充容量，應付人潮。中午有人表示付款後未能觀看節目，專頁稱會逐一檢視所有交易，但因核對需時，希望會員耐心等待。
專頁晚上晒冧，為改善擠塞情況要緊急維修。
杜汶澤跟同樣身在台灣的秋生見面。（fb圖片）
雖然不少網民都未能登入，但都表現理性。（fb圖片）
（fb圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！