日本偶像組合NMB48成員須藤凜凜花，上星期趁「第9屆AKB人氣總選」舉行時喺台上宣佈結婚，令20歲嘅佢連日來成為新聞人物。

須藤凜凜花噚日現身喺東京會見傳媒，佢表示已決定離隊退出NMB，承認係有結婚打算，男友亦已向佢求婚，但就暫時未收到婚戒，佢亦否認已珠胎暗結。

對於任職醫護人員嘅男友身份，佢指對方係經媽媽而認識，首次見面係凜凜花媽咪嘅生日派對上，雙方一見鍾情，繼而成為情侶。

須藤凜凜花出身至富裕家庭，爸爸係公司老闆，不過父母離婚後跟媽咪生活，佢日前更透露母親早前不幸患上子宮頸癌。