韓國人氣組合少女時代（少時）一向情如姊妹，不過都有互相整蠱「靠害」嘅時候。成員孝淵喺微博公開自己要將加料漢堡包食落肚嘅慘情相，佢留言話：「因為輸咗，所以要受到懲罰。」

願賭服輸嘅孝淵本來已經好識做，揭開麵包加入大量wasabi，但隊友允兒就十分調皮嫌未夠，竟然毫不手軟幫孝淵再瘋狂地加咗一堆，幾乎用晒成支wasabi咁滯，結果係點？咪就係辣到孝淵「噴火」，面容扭曲囉。