無綫噚日出收視報告，淨係得無綫冇咗亞視，唔知仲以為佢估到亞視有可能熄機㖭！睇埋佢啲劇集嘅收視，居然全部比上星期升咗10點以上，原來係同佢改頻道有關。因為上星期一開始85台J5台同81台翡翠台完全分家，之前要兩邊睇劇嘅觀眾就歸番晒去81台，所以《公公出宮》收視先至會勁升15.1點至28.6點，而無綫以後只會有自己台嘅收視報告，其他台就變晒內部參考資料，唔再公開啦。
撰文：馮仁昭