呢期喺韓國啲BB可以話風頭一時無倆，特別係《超人回來了》嘅宋一國三胞胎同埋《Oh！MyBaby》中Shoo嘅孖女，佢哋五位BB呢期都勁紅，搞到唔少人都中晒毒。

今日播出嘅《超人回來了》，宋一國就會帶三胞胎大韓、民國同萬歲行街市，呢三位萌B嚟到街市時，見到各種各樣嘅物品，都大感興奮。每見到新鮮事物，三胞胎都會眨住一雙可愛嘅眼睛問過究竟：「爸爸，呢個係乜嘢嚟？」之後三胞胎喺爸爸嘅帶領下，一同嚟到賣豬肉嘅巷子，仲見到現場有豬頭，到底三胞胎第一次見到豬頭有乜嘢反應呢，就要睇今日播出嘅一集先知道。

至於韓國女星Shoo嘅孖女羅熙同羅律，佢哋近日喺韓國拍攝《Oh！MyBaby》，有粉絲就拍到佢哋嘅拍攝過程，只見除咗Shoo同孖女外，亦有搞笑藝人李國珠助陣，只見李國珠同孖女齊齊穿上同款米奇老鼠衛衣，三人喺一個類似熟食地方嘅地方進行拍攝，行到一間食豬腳嘅店舖時，仲見到Shoo都喺現場，孖女見到媽咪都即刻衝上前，三母女好不溫馨。

另外，《超人回來了》中秋小愛嘅父親秋成勳，日前擔任綜藝節目《一日三餐》嘅嘉賓，秋成勳大展廚藝，即時炮製雞蛋捲給眾人享用，令車勝元等三位主持都食得津津有味。