韓國前女團2NE1成員敏智今個星期來港出席連串活動，並將於後晚跟師弟團MyTeen喺荃灣開騷。敏智噚日開始於Instagram公開多張新相，表示自己已經飛抵香港，好期待跟粉絲見面。之後敏智又於Ig Story透露去咗黃金海岸，仲一路行一路話好熱。今日下午6時，敏智就現身尖沙嘴，於文化中心外嘅空地進行快閃活動，吸引大批粉絲到場支持。

而敏智舊隊友CL，噚日下午現身尖沙嘴海港城出席品牌活動，晚上再孖於香港居住嘅妹妹Harin現身晚宴。今日下午CL由香港飛返韓國，妹妹都有去送機。CL見到粉絲時都有親民地簽名，臨入閘前，CL就肉緊地攬實妹妹，似乎非常不捨。