黎姿、任賢齊（小齊）和黎耀祥，昨日在尖沙嘴北京樓宣傳無綫外購劇《新楚留香》，他們更在一張賀卡上寫上新年願望。早前黎姿在日本滑雪時受傷，她昨日手持柺杖參與宣傳活動時，被黎耀祥取笑她是「鐵柺李」。
黎姿表示早前到日本北海道滑雪度假，卻不慎弄傷腳，她昨日說：「可能前排工作壓力大，加上我集中唔到精神，支雪橇插落雪度，我就扭傷。當時我重好堅強，冇喊過，呢份真係好大份嘅聖誕禮物。我睇過醫生，佢話我韌帶斷咗。」

任賢齊出紅疹
問黎姿可需動手術醫治？她說：「我怕痛又怕有傷痕，所以唔會做手術。醫生重話我以後都做唔到劇烈運動。」黎姿膝頭受傷，令她損失了到內地拍劇的機會，並將失去七位數字酬金，她笑言惟有多拍幾個廣告補數。此外，昨日見小齊臉上有紅疹，他說：「早排去溫州拍嘢，天氣好乾，我帶唔夠護膚品去搽呀！」
採訪、攝影：汪正文