【男友好放心】陳煒同王梓軒演情侶 對方賣口乖︰望到煒哥就乜都甜！
蘋果日報 2019/12/03 15:46
陳煒王梓軒
攝影：羅慧敏
陳煒（煒哥）與王梓軒在新劇中飾演情侶，當中有多場感情戲份，今天他們到新城接受訪問宣傳新劇，提到二人第一次在車廂邂逅的戲份，煒哥說：「場戲喺單程路拍，因為車來車往，又遇到落雨，所以拍咗成個月。」
梓軒戲中飾演官仔骨骨的男生，遇上劇情需要，煒哥帶他到茶餐廳吃田雞餐，其實現實中梓軒很害怕吃田雞，他說：「件事好恐怖，我聞到陣味好腥，不過望到煒哥就乜都甜！」梓軒笑言「愛上」煒哥，他笑說：「我要懸崖勒馬，否則要睇醫生，唔係醫生都會嚟搵我！」逗得煒哥哈哈笑，皆因煒哥男友正是醫生，提到戲中有親嘴戲，怕不怕男友呷醋？煒哥笑說：「冇乜啫！平時都好多親熱。梓軒見到我男友時叫佢放心，手仔都冇掂過，我男友仲讚佢斯文。」梓軒再大賣口乖說：「佢男友好有品味，所以揀咗佢，唔使擔心，煒哥點會鍾意我呢類呢，當然鍾意佢嗰類啦。」
採訪、攝影：羅慧敏
王梓軒有自知之名，指煒哥不會鍾意他這類型。
王梓軒和陳煒，在新劇中演情侶。