51歲郭富城，今年完成人生兩件大事；4月同大陸女模方媛(Moka)結婚擺酒，今個月初，榮升做埋人父，老婆Moka為佢誕下B女。上周五(22日)，城城喺微博正式公佈生女喜訊。當時佢上載咗一張一家三口勾手指嘅相，留言話：「開心、微妙、感恩！我們仨！成長、家庭、守護！」(新聞連結： http://bit.ly/2xy1uYN )

今晚，做咗人父嘅城城，首度現身，喺尖沙咀海港城出席YSL活動，自然被傳媒追問做咗爸爸嘅感受。晚上8時，城城現身，戴上眼鏡，穿閃領西裝，一身黑，胸口有鮮紅色袋巾。拍照時更除下眼鏡，咬住個眼鏡柄，狀甚風騷，全程表現心情好，好風騷，佢入場時沿途客獲記者恭賀，見到記者，城城第一句就話：「好耐冇見大家，多謝大家陪我成長嘅記者，對我嘅祝福我好開心，覺得人生好圓滿，好感恩。」

問到城城會唔會唔捨得BB，城城話：「o依家已經投入咗工作，之前都已經俾咗個假期俾佢，o依家已經安頓咗自己嘅家庭。」城城首次承認今次係生B女，係小公主，問到B女似邊個，城城話：「抱住佢嗰陣好似mini版嘅郭富城，好開心，最開心其實係媽媽，嗰一刻真係好感動，咁大個仔見到媽媽抱住個孫係另外一樣嘢。」問到佢有冇認全家福？城城話有，再問到有冇催佢再生B，城城話冇，仲話多謝上天俾咗份咁特別嘅禮物佢，至於B女改名問題，城城話：「未諗呀，都係交俾長輩啦！」再問佢有冇幫手湊B，好似換片餵奶嗰啲，城城話：「屋企有工人姐姐，亦有請陪月，自己就唔識，都好緊張啲小生命。」佢仲透露B女重6磅，係順產嘅。