【同老公拍住上】製作節目探討教育與壓力 陳慧珊陪家長分憂
鍾家鴻放學後香港開電視宣萱吳鎮宇胡杏兒陳慧珊
陳慧珊(Flora)同老公鍾家鴻最近忙於製作節目《放學後》,並預計明年年中於香港開電視播放。今日佢哋聯同外事部總經理譚雪儀、節目策劃總監劉佩貞及外事部顧問曾醒明喺中環舉行《放學後》記者會。
Flora透露節目將有16集,會訪問15位由50年代至90年代嘅人,當中包括有宣萱、吳鎮宇、胡杏兒、楊采妮、嚴浩等等:「我第一個搵係宣萱,佢係我好朋友,我知佢一定會支持我,佢喺英國讀書,佢會感染到佢呢一班嘅人。之後我搵鎮宇,佢由訓練班直至做咗爸爸,大家都見到佢嘅轉變,佢亦都可以感染到佢嗰個年代嘅人,當時佢拍緊《逆流大叔》,佢即刻過嚟搵我;第3個搵嘅就係當時仲大肚嘅杏兒,所以過程幾漫長。」
Flora指今次決定做呢個project,係有兩個轉變位:「11年前做咗媽媽,我比較大生個女,我覺得有啲嘢我唔去盡量做好啲,我就唔會識得教女,我個女5歲就已經拎住iPad做功課,我當時都唔識用,佢仲叻過我,死啦,我會脫節,於是我去進修,讀碩士學位;第二個轉變位,好多教授、家長同學生對我好信任,會同我講好多心事,同我分享佢哋好多壓力,大家都知道,我次次講都忍唔住,過去10年,佢哋好大壓力就會去跳樓,所以我好想深入了解咩叫教育同大家嘅壓力,同埋人生唔係剩係自己,為人先開心。」佢又指老公、父母一直都好支持佢。
精選娛聞,喺晒《娛果》
http://fb.com/appledailyent
Flora同老公鍾家鴻一齊製作節目《放學後》,深入了解咩叫教育同大家嘅壓力。