韓國人氣綜藝節目《RunningMan》(RM)嘅主持人Gary,今日到荃灣廣場舉行簽名會近千名粉絲逼爆五層商場,現場有6名外籍保安監場,認真大陣仗!
Gary一出場即同粉絲揮手打招呼,又同台下粉絲握手,出場時以廣東話講:「大家好,我係Gary,我好掛『豬』你地,我『好』你(即我愛你)。」之後佢再連講兩次「我愛你」,又話聖誕節自己一個人錄音,台下觀眾大叫宋智孝,佢就話:「智孝佢有佢忙,所以自己錄音。韓國聖誕節會約埋一齊飲酒,落club,下年想來香港過。」又反問香港聖誕節點過,主持話粉絲等你黎過聖誕,Gary即話:「我都好掛住香港。」大讚香港粉絲好熱情,本身粉絲對佢係佢既一個愛,全場粉絲大叫我愛你,Gary即話IloveHongKong。對於2014年最難忘既事,佢話今年出咗碟,香港好多粉絲鍾意,希望下次做showcase叫啲粉絲要企晒起身。