【李八方online】機械人律師?鄭若驊叫法律界把握科技新機遇
鄭若驊機械人律師
律政司司長鄭若驊今日出席律師會活動,佢致辭時話,科技發展為法律界帶來新挑戰和機遇,勉勵業界要喺科技潮流中維持領先位置,了解技術發展。講講下,例牌又拉埋一帶一路嚟講,佢話好高興見到私營機構正準備建構電子平台,為一帶一路沿線地區提供解決爭議和仲裁服務,大讚咁樣可以打破地域限制,縮減解決爭議成本云云。
鄭若驊仲話英國同美國部份州份都已經有「機械人律師」、「聊天機械人律師」,提供法律意見畀客戶,呢啲機械人仲識製作法律文件。不過,佢叫業界唔使過份悲觀,因為資訊科技專家講明,呢啲機械人只有邏輯性思維,唔可以處理法律中灰色地帶,「人類律師」唔會絕種嘅。
八方翻查過資料,外媒早前真係有報道過,一款名為「DoNotPay」(不要支付)的機械人律師,在倫敦和紐約專門負責處理違例泊車的罰款上訴案件,在已處理的25萬宗個案中,有16萬宗獲勝,成功率超過60%,為訴訟方節省數百萬美元的費用。
立會補選新聞,《蘋果》一網睇晒:
http://bit.ly/appledaily1125
鄭若驊話,機械人律師唔可以處理法律中灰色地帶,「人類律師」唔會絕種嘅。