韓國年度音樂盛事《MAMA音樂頒獎禮》今年分別於韓國、日本及香港三地舉行，《MAMA》今日就率先舉行韓國場，後日移師日本，周五就於亞博館舉行香港場。

今日《MAMA》韓國場於東大門設計廣場舉行，一眾韓星先現身紅地毯跟粉絲打招呼，當中女星鄭采妍穿上露肩白色連身長裙、力谷事業線現身，成功搶鏡。女星金所炫今日就穿上黑色長袖連身裙現身，雖然有稍為晒腿，不過亦不及鄭采妍養眼。

而擔任《MAMA》韓國場主持嘅丁海寅就穿上深藍色西裝現身，不時大派心心冧粉絲。另外，fromis 9、本月少女、Stray Kids等組合亦相繼現身。

日本女子組合櫸坂46今日亦有現身，並將於《MAMA》有特別演出。

而人氣男團Wanna One今日現身時，成員就為今日22歲生日嘅姜丹尼爾慶祝，姜丹尼爾更鬼馬地咬住玫瑰花影相，非常搞笑。

精選韓流，喺晒《娛果》
http://fb.com/appledailyent