由韓國女團少女時代成員徐玄擔正做女主角嘅新劇《小偷傢伙，小偷大人》長達50集，劇集一直徘徊喺9%至10%收視率，不過噚日播出嘅第33集就急跌到得6.7%，創劇集開播收視率新低。劇集將於今晚播出第34集，劇組更率先預告徐玄及池賢宇有甜蜜吻戲，唔通想靠吻戲刺激收視？

劇照中徐玄披上婚紗，同池賢宇攬到實甜蜜咀嘴，劇組方面就大讚兩位演員好投入拍攝，又指兩人相當代入角色，令工作人員都感受到兩人之間嘅甜蜜氣氛。