呢位Qshshq修改嘅嘢,唔單止唱好市建局,仲連對林鄭月娥同陳茂波嘅評價佢都理埋一份。例如加入埋林鄭做「市區重建」作風「實幹」。陳茂波嘅條目就仲堅,之前明明有網民留咗條link講劉迺強話過陳茂波,「不管他如何無能,甚至無恥,只要他不犯法,一段時期都要好好保住。」但呢句嘢後來又比Qshshq刪咗喎。
網友起底後,發現呢位Qshshq,原來就係市建局公關阿頭Lawrence!Lawrence噚日直認自己係有份改嘢,但佢話因為維基賬戶要用人名登記,佢要update市建局資訊先至咁做。咁點解要改埋林鄭同陳茂波啲嘢?佢話林鄭因為有做到市區重建工作;陳茂波單嘢,原來佢係想整番好一啲同張震遠有關嘅資料,但係就「錯手」刪錯咗其他嘢喎。佢話所有改動都係以事實為本,自己亦有喺網上提供個人資料以示問責。有網友就睇唔過眼,打算日內改番啲資料,「光復」歷史真相!