黃榕、艾美琦同姚紫茵今日性感谷胸騷腿，為代言網上遊戲影宣傳相，今次有中國旗袍、兔女郎同聖誕女郎造型，稍後仲會配合到内地唔同省份宣傳，姚紫茵大爆啲造型衫非常難著，有次黃榕扣唔到大脾內側粒鈕叫幫手，仲攪到成身濕晒叫人幫手扣，但為免誤碰私處而無幫手，黃榕最後求助女化妝師。

今次酬勞合理，客戶另外添加金額，問到黃榕會否將多收酬勞用作送禮恭喜舊愛陳冠希有BB？佢話：「唔會，都冇聯絡，唔好打攪人哋。」佢自言當年年紀細，無諗過幫對方生，反而o依家想要BB，但要等適合嘅，旁邊艾美琦指黃榕外貌性感，但每逢被介紹男仔就怕醜，問佢係咪被陳冠希嚇怕？佢話：「係，男人唔靠得住，被人傷害要小心點。」佢擇偶條件要大隻男，但唔要行到似猩猩。